Schwiizer Kafichränzli IV

[Layka]

danke danke danke!!

muhahaha wie lang bisch in spanie den gsi?? ach man ich wär au gern id ferie, aber ja dumständ hends das jahr nid zueglah isch sehr heiss gsi??

wie lang hesh den no mit dim studium?? dzit gaht amigs schneller verbi als mer dänkt

 

[Blair]

e be scho en rechte hirsch, mein gott.
jetzt chani der grad nomou gratuliere, OND ZWAR ZUM GEBUUURSTAG! e wönsch der vo herze nur s auer auer auuuuer beschti ond das dini zuekunft so werd wie du der das vorstöusch hoffe hesch en chillige tag im gschäft ond d lüt söue ned domm due MUUUUAH! :*

e be zersch 10 tag z gran canaria gsi ond de no 3 woche bide familie z spanie. z gran canaria esch recht heiss gsi, jo, be eus ned ganz eso, hei au 2, 3 regetag verwötscht aber esch ned so tragisch. hesch haut glich emmer was z due

e ha jetzt no 2 johr. ha leider eis johr müesse wederhole wöui russisch und mathe ned bestande ha, deför hani chöne nebebii schaffe e dem johr ond ha chöne chli geld ufd siite due, vo dem her esch okay gseh, gsehs nüm so tragisch wie am afang aber jo, ebe, si au scho 2 johr ome siti uf chur zöglet be, d zit goht sooo schnäu

ui, ond jetzt müemer jo auno aständig si do enne, heimer jo no en moderator under eus au zu dem ufstieg gratuliere.

und, wie esch din erscht arbeitstag nach de ferie bis jetzt? wenn fosch de die neu stell a? dezember?

 

[Layka]

muhahahaha nid so tragisch danke danke viel viel mal. läck etze bini langsam echt alt. scho 23 no 3 jahr und släbe gaht nurno bergab

ach schön hauptsach ferie oder!!!!!

scho zwei jahr wonsch etz dete?? krass wied zit vergaht...... und immerno hemmer keis kaffichränzli in chur gmacht! schäme sötter mer eus aber echt

sägs nid, muesch ufpasse was den da so schribsch suscht giz haue vo mir nei seich^^ obwohl bin ja scho mod fürd plauderecke aber mir sind ja alles liebi schöfli da ine *räusper*

neeeeeeei bin hüt nanig go schaffe gange, han genauno hüt als letschte tag ftei... aber morn mueni den... voll scheisse kakt mi ja gar nid ah... möcht gar nid ah mini mailbox dänke.... wirds eze gad mit chli alk verdränge muahahahahahah

 

[Blair]

ach was, met 30 gohts de weder berg uf haha

jup, scho zwöi johr. abartig, ha s gfühl be ersch grad herezoge, ond joo mer heis leider emmernoni gschafft. mer chönte mou es doodle mache e be jetzt weder regelmässiger dert
d lorena hani au nur 2, 3 mou gseh wöu ebe d ziit so schnäu ome goht, chont mer ergendwie gar ned dezue

hahaaa, liebi schöfli. so guet aber wenns haue git, passi aso scho uf...oder ned...velech hanis gern...hrhrhrh

aaah so schön das höt no frei hesch. de wönschi nur PROOOOOOST und viel spass

 

[Layka]

ja machet mer mal es dooodle... frög mich eh ob danja no lang dete wohnt, sie isch ja glaubs fertig mitm studium

muahahahahhahaha sado maso jesi?? hahaha^^

danke danke!! gange eze no chli use go astosse

 

[Jana]

Ja muen scho säge cili... Tod alt bisch häsh die erschte graue haar scho gfunde?? Nei seich ez gaht doch s läbe erscht richtig a ich freu mi uf jede fall uf de 25 igscht

Was studiersch den du jesi??

Vill spass bim feschte demfall... Gang ez mal go luege was s nachtläbe in london so zbüte hät... Bin zwar total ko vo de ganze sightseeing toure hüt, aber das muess glich no sie

 

[Layka]

säget mer es so, etze het mer endlich mal chli chole zum sälbe gnüsse, aber kei chraft meh will mer die all fürs chole verdiene brucht XD das nenn ich en tüfelschreis

und how was london?

 

[Jana]

Hehe ja das isch e so.... Ez gaths drum zum die richtig work-live-balance zfinde
Aber Geld usgeh macht ja immer spass

Super... Mer händ mega vill gseh und gmacht... Hammer stadt und super wätter hämmer natürli au no gha, das häts perfekt gmacht... Nur chli problem mit de bänder hani gha, aber was solls

 

[Layka]

ja ussert du gisch es für mieti und so us xD ^^

ooh tönt ja super. wie lang bisch bliebe`?

aber de bänder gahts etze wieder guet oder?

 

[Blair]

Tanja, ech studiere Tourismus, zum dini frog endlech z beantworte
ach, dini londonreis tönt suuuper. e wot au endlech mou nach london. aber zersch mou muessi chli id schueu, ha ersch grad letscht woche weder agfange haha

ach, e mag ned go schlofe, aber e muesssss... aber e set au d 20in20 icons mache... -.- ach.. ^^

 

[Jana]

Sind 4 täg gsie.... Ja London isch definitiv empfehlenswert
Ja d bänder sind scho fascht wieder wie neu

@jesi: ah so cool... Das hani frühner au mal wele studiere
Hät dich demfall de alltagstrott au wieder, nach de semeschterferie??

 

[Layka]

jesi gömmer mal zeme ich bin auno "london - jungfrau" D
ich han gester auno probiert paar icons fürs 20in20 mache.. aber nur 1 isch usecho wommer gfallt, mal luege obis schaffe.. mis thema het chli bescheideni bilder uswahl (die meiste nurr s/w und schlechti quali/miniatüre) ider 60ger sind gueti kameras eh selteheit gsi XD ^^

@tanja: guet gaz der wieder guet

ach ich han so kei bock zum schaffe gad^^ bin am morge extra frueh cho zum chli lerne für mini pruefig am samstig (schisst mi so ah die nomal zmache )

 

[Blair]

Bwaaa jo, semesterferie si jo scho schön ond e ha sogar s schaffe gnosse. Aber wenn me de weder afoht schisst das sooooo grusig a...
Scho hesch da au wele studuere? Cool :-D

Ou joooo cili gömer noch london :-D
ach e ha scho vöu schöni böuder, aber e be eifach obfähig. Ha wele fang aui bases mache aber s cropping gfaut mer velech bi 3 -.- ond ou jo scheisse, 60ger johr esch no es happigs thema zum böuder fende...

Was hesch den förne prüefig am samstig?

 

[Zauberhafte Phoebe]

Apropos London.. I gang met minere beschte Kollegin im Dezember Bi no nie gsi, mol luege wies wird, hehe

 

[Layka]

@Jesi, irgendwenn luegsch zrug und findsch dstudie zit auno schön. - Aber das chunt den viel viel spöter erst. Isch doch meistens so oder? ^^


muahahha lyn, du üebsch da en gruppe zwang uf mich und jesi us, etze muend mer würkli au uf london gah